Kaika suvõülikuul tulõ timahava 8.–10. põimukuu pääväl (8.–10.08.) Karula kihlkunnan Kaikal. Seo om 20. kõrd suvõülikuuli pitä. Ka edimäne Kaika suvõülikuul peeti Kaikal, kost om saanu ka üritüse nimi, kirotas Uma Leht.

Võrokõisi suurt suvist kokkosaamist kõrraldasõ seokõrd Kaika kandi inemise (Karula hoiu ühing) Võro seldsi abiga. Plaanin omma loengu, kultuuriprogramm, latsikoolitus, huvisõidu.

Saa kuulda ehtsät karula kiilt (Kivi Luule kõnõlõs umast Apja küläst), hääd kokkovõtõt võrokõisi ja tõisi soomõugrilaisi käekäügist viimädse 20 aasta joosul (kõnõlõs Kama Kaido), üle hulga ao kõnõlõs Võromaal tähetiidläne Kasagu Enn jne.

Lähemb teedüs: Treimuthi Tea, pääkõrraldaja, tel 5344 1780, teatreimuth@gmail.com; Jüva Sullõv, Kaika suvõülikooli rektor, tel 5554 3727, juvasul@ut.ee.

Uma Leht